ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ
ಅಂಬೆಗಾಲಿಡುತ್ತ
ಹೊಸ್ತಿಲು ದಾಟಬಾರದೆಂದು
ಬಾಗಿಲಿಗೆ ಕಟ್ಟಿದ ಆ ಮರದ
ತಡೆಗೋಡೆಯ ಬಳಿಯಲ್ಲಿ
ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ ।।
ಅಲ್ಲೇ ಲಗೋರಿ ಆಡುತ್ತ
ಕಲ್ಲಿನ ಮನೆ ಕಟ್ಟುತ್ತ
ಜೋಕಾಲಿ ಕಟ್ಟಿದ
ಆ ಮರದ ನೆರಳಲ್ಲಿ
ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ ।।
ಒಟ್ಟಿಗೆ ನಡೆದಾಡಿ
ಜೇಬಲಿ ಇದ್ದ ೫ ರೂಪಾಯಿಯಲಿ
ಚಿಕ್ಕಿ ಪೆಪ್ಪರ್ ಮಿಂಟು ತಿಂದ
ಆ ಶೆಟ್ಟರ ಅಂಗಡಿಯ ಮುಂದೆ
ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ ।।
ಹೀಗೆ ಅದೆಷ್ಟೋ ಚೇಷ್ಟೆಗಳು
ಅದೆಷ್ಟೋ ನಗೆ ಕಂಬನಿಗಳು
ಮರೆಯದ ಮಾತುಗಳು
ರೋಮಾಂಚನದ ಕ್ಷಣಗಳಿರುವ
ನೆನಪಿನಂಗಳದಲಿ
ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ ।।
ಆದರೆ.. ಮತ್ತೊಮ್ಮೆ ಸಿಗುವ
ಸಿಕ್ಕಿ ಮತ್ತೊಮ್ಮೆ ನಗುವ ।।
-------------------------
ಗುರುರಾಜ್ ಎಂ ಜೆ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ