ಅವರಿಬ್ಬರ ನಡುವೆ
ಶುರುವಾದ ಸಣ್ಣ ಸಮರ
ನಾ ಮೇಲೆ ತಾ ಮೇಲೆ ಎಂದು ಹಾರುವ ಅಹಂ ಭ್ರಮರ।।
ಅವನಿಗೆ ಅವಳೇ
ಸೋಲಬೇಕೆನ್ನುವ ಬಯಕೆ
ಅವಳಿಗೋ ಅವನೇ ಸೋಲಲಿ
ಎಂದು ದೇವರಲ್ಲಿ ಹರಕೆ ।।
ಅಡುಗೆ ಮನೆಯಲಿ
ಯಾರಾದರೂ ನಂಗೆ ಕೊಡಿ ಒಂದಿಷ್ಟು ಪಾಷಾಣ।।
ಈತ ಕೋಣೆ ಒಳಗೆ ಕುಳಿತು
ಏನು ಕೇಳಿದರು ಕೇಳದ ಹಾಗೆ
ಕಿಟಕಿಯ ಆಚೆ ನೋಡಿ ಸುಮ್ಮನೆ ಕೂಗಿದನುಇಷ್ಟು ರಾತ್ರಿಯಲ್ಲೂ ಯಾಕೆ ಕೂಗತ್ತೆ ಈ ಕಾಗೆ ।।
ಹೀಗೆ ಸಮಯ ಜಾರಿತು
ಮಾತುಗಳ ಜಾಗ ಖಾಲಿ ಮಾಡಿದವು
ಆದರೇನಂತೆ ಮಾತುಗಳ ಜಾಗ
ಆ ಮೌನದ ಪಾಲಾದವು।।
ಹೀಗೆ ರಾತ್ರಿಯಾಯಿತು
ಮಲಗುವ ಸಮಯ
ಆದರೂ ಇಬ್ಬರ ನಡುವೆ
ನಡೆಯಲಿಲ್ಲ ಮಾತಿನ ವಿನಿಮಯ ।।
ಆಗ ಮೌನ ಮುರಿಯಲು ಕಾರಣವಾಯ್ತು
ಅಲ್ಲೇ ಇದ್ದ ಜಿರಳೆ
ಹಾರಿ ಹೋಗಿ ಅವಳೇ ಮೇಲೆ ಕುಳಿತು
ಶುರು ಮಾಡಿತು ತರಲೆ ।।
ಕೂಗಿದಳು ಕಾಪಾಡಿ ಎಂದು
ಹಾರಿ ಹೋಯಿತು ಮಹಡಿ
ಗಂಡ ಬಂದು ಓಡಿಸಿ ಹೇಳಿದ
ಇದು ಬರಿ ಜಿರಳೆ ಅಲ್ಲ ಕರಡಿ ।।
ಅಲ್ಲಿಗೆ ಮುಗಿಯುತು ಅವರಿಬ್ಬರ ಜಗಳ
ಹಾಕಿದರು ಕೋಣೆಯ ಬಾಗಿಲ ಚಿಲಕ
ಎಂದಿನಂತೆ ಗಂಡ ಹೆಂಡಿರ ಜಗಳ
ಉಂಡು ಮಲಗುವ ತನಕ ।।
---
ಗುರುರಾಜ್