ಗೋಧಿ ಬಣ್ಣ ಸಾಧಾರಣ ಮೈಕಟ್ಟು

(ಗೋಧಿ  ಮೈ ಬಣ್ಣ ಸಾಧಾರಣ ಮೈಕಟ್ಟು ವೀಡಿಯೊ ನೋಡಿದಾಗ  ಮೂಡಿ ಬಂದ ಕಾವ್ಯ)


ನೀ ತಂದೆಯಾದೆ
ನನ್ನ ಪ್ರತಿ ಹೆಜ್ಜೆಗೆ ಬೆಂಬಲವಾದೆ
ಬೆರಳು ಹಿಡಿದು ನೀ ನನಗೆ ದಾರಿ ದೀಪವಾದೆ
ನಾ ಬೆಳೆದು ದೊಡ್ಡವನಾದೆ

ಸಾಧನೆಯ ಪಥದಲ್ಲಿ
ನಾ ವ್ಯಸ್ತನಾದೆ
ಇದರ  ನಡುವಲ್ಲೇ
ನೀ ಅಸ್ವಸ್ಥನಾದೆ

ನೀ ಮರೆಯಾದೆ
ಯಾರಿಗೂ ಹೇಳದೆ ಎಲ್ಲಿಗೆ ಹೋದೆ
ನೀ ಮರೆತು ಹೋದೆ
ನೀನಿಂದು ದಾರಿ ತಪ್ಪಿದ ತಂದೆಯಾದೆ

ಅವರ ಹುಡುಕಲು ಇಂದು
ಒದ್ದಾಡುತಿರುವೆ ತಲೆಕೆಟ್ಟು
ಯಾರಿಗಾದರು ಸಿಕ್ಕರೆ ಹೇಳಿ ಸ್ವಲ್ಪ
ಅವರದು ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ।।
--
ಗುರುರಾಜ್