ಅಂದು ಅವನೇ ನಾಯಕ ಅವಳೇ ನಾಯಕಿ
ಪ್ರೀತಿಯ ಗೀತೆಯಲ್ಲಿ ಅವನೇ ಗಾಯಕ ಅವಳೇ ಗಾಯಕಿ
ಎಲ್ಲರ ಮರೆತು ಪ್ರೇಮ ಪಕ್ಷಿಯಂತೆ ಹಾರಾಡಿದನು
ಪ್ರೇಮದಂಬರವನು ಅವಳೊಂದಿಗೆ ತಲುಪಿದನು।।
ಏನೋ ಸಂತಸ ಏನೋ ಹರುಷ
ಎಲ್ಲವೂ ತನ್ನದೆನ್ನುವ ಅಹಂ ತೋರಿದ ಪುರುಷ
ಅವನಿಗೋ ಅವನ ಪ್ರೀತಿಯೊಂದೆ ಸ್ವಚ್ಛ
ಆದರವನು ಎಲ್ಲರ ದೃಷ್ಟಿಯಲ್ಲಿ ಅರೆ ಹುಚ್ಚ ।।
ಇಂದು ಅದೇಕೋ ಕೆದರಿಕೊಂಡ ತಲೆ
ಮೈ ಕೈ ಕೆರೆಯುತ ಆಕಾಶದೆಡೆಗೆ ನೋಡುವುದೇ ಕಲೆ
ಒಬ್ಬನೇ ನಗುವನು ಒಬ್ಬನೇ ಅಳುವನು
ಸಿಕ್ಕ ಸಿಕ್ಕವರನೆಲ್ಲ ಕರೆದು ಬೈಯ್ಯುವನು ।।
ಯಾವುದೋ ಒಂದು ಅನುಮಾನ ಮೂಡಿಸಿತು ಮನಸ್ತಾಪ
ಅವನ ಜೀವನ ತೊರೆದು ನಡೆದೇ ಬಿಟ್ಟಳು ಪಾಪ
ಅವಳ ಹರಿದ ಚಿತ್ರವ ನೋಡುತ ಹರಿಸುತ ಕಂಬನಿ ಗುಚ್ಛ
ಆಗಿರುವನು ಅವನು ಇಂದು ಪೂರ್ತಿ ಹುಚ್ಚ।।
----------
ಗುರುರಾಜ
