ನಾ ಬೆಂಗಳೂರು
ಅದೆಷ್ಟೋ ಜನರು ಬೆಳದು ನಿಂತ ಊರು
ಅದೆಷ್ಟೋ ಜನರ ಹೊಟ್ಟೆ ತುಂಬಿಸುವ ಊರು
ಒಂದಾನೊಂದು ಕಾಲದಲ್ಲಿ
ಎಲ್ಲಿ ನೋಡಿದರಲ್ಲಿ ಹಸಿರು
ಉದ್ಯಾನ ನಗರಿ ಎಂದು
ಪ್ರಸಿದ್ಧಿ ಆಗಿತ್ತು ನನ್ನ ಹೆಸರು
ಎಲ್ಲಿ ನೋಡಿದರಲ್ಲಿ ಕೆರೆಗಳು
ಎಲ್ಲಿ ನೋಡಿದರಲ್ಲಿ ಮರಗಳು
ಎಲ್ಲಿ ನೋಡಿದರಲ್ಲಿ ಖಾಲಿ ಜಾಗಗಳು
ಎಲ್ಲಿ ನೋಡಿದರಲ್ಲಿ ಸಂತಸ ಮನಗಳು
ಕಾಲ ಕಳೆದ ಹಾಗೆ ನಾನು ಬದಲಾದೆ
ಭಾಷೆ ಜಾತಿ ಮತ ಭೇದ ಮಾಡದೆ
ಬಂದವರನೆಲ್ಲ ಕೈ ಚಾಚಿ ಕರೆದೆ
ಎಲ್ಲರೂ ನನ್ನ ಮಕ್ಕಳೆಂದು ಬೆಳೆಸಿದೆ
ಇಂದು ಅದೇಕೋ ನನ್ನ ಮಕ್ಕಳು
ನನ್ನ ಮರೆತಂತಿದೆ
ನನಗೆ ವಯಸ್ಸಾಗಿರಬೇಕು
ಅದಕ್ಕೆ ಈ ರೀತಿ ನನ್ನ ಜರಿದಂತಿದೆ
ಕೆಂಪೇಗೌಡರ ಬೆಂದ ಕಾಳೂರು ನಾನು
ಇಂದು ಕಾಂಕ್ರೀಟ್ ಧೂಳಲ್ಲಿ
ವಾಹನಗಳ ಚಕ್ರವ್ಯೂಹದಲ್ಲಿ
ಸುಸ್ತಾಗಿ ಬಳಲಿ ಬೆಂಡಾಗಿಹೆನು
ಏನೆ ಇರಲಿ ನಾ ಸೋಲುವುದಿಲ್ಲ
ನಾ ಎಲ್ಲವ ಮೀರಿ ಬೆಳೆವೆ
ಎಲ್ಲರ ಮನದಲ್ಲಿ ಮನೆಗಳಲ್ಲಿ ನಗೆ ಬೀರುವೆ
ನಾ ಬೆಂಗಳೂರು
ನಾನು ನನ್ನತನವನೆಂದೂ ಮರೆವೆ
--
ಗುರುರಾಜ
